काठमाडौं । राष्ट्रिय प्रजातन्त्र पार्टी (राप्रपा) ले प्रवक्ता ज्ञानेन्द्र शाहीको कमाण्डमा मंसिर २३ मा बृहत् जनप्रदर्शन गर्ने भएको छ ।
राजा र जेन-जीसहितको नवीन समझदारीको माग गर्दै राप्रपाले बृहत् जनप्रदर्शन गर्न लागेको हो ।
अध्यक्ष राजेन्द्र लिङदेनले आन्दोलनको समग्र तयारी र रणनीति निर्माणका लागि विशेष आन्दोलन परिचालन समिति गठन गर्दै त्यसको नेतृत्व शाहीलाई सुम्पेका हुन् । पत्रअनुसार समितिमा प्रवक्ता गोपाल दाहाल, सह–महामन्त्री रवीन्द्र प्रताप शाह र सह–महामन्त्री धनबहादुर बुढा सदस्यका रूपमा चयन भएका छन् ।
मंसिर २३ गतेको कार्यक्रमलाई राप्रपाले जेन-जी, राजनीतिक दल र राजाबीच ‘नवीन समझदारी’ निर्माणको लागि ऐतिहासिक दबाब–कार्यक्रमका रूपमा लिएको छ ।
