एजेन्सी । बलिउड अभिनेता रणवीर सिंह हालै आईफा अवार्डमा सहभागी बनेका थिए। यस क्रममा स्टेजमा उनले फिल्म कान्तारा मा देखाइएकी चावुंडी (चामुण्डा) देवीको मजाक गरेका कारण उनीमाथि धार्मिक भावनामा आघात पुर्याएको आरोप लागेको छ।
फिल्म फेस्टिभलमा रणवीर सिंहले फिल्मका निर्देशक तथा अभिनेता ऋषभ शेट्टीलाई भने, ‘ऋषभ, मैले यसलाई (कान्तारा) थिएटरमा देखेको थिएँ। त्यो एकदमै उत्कृष्ट प्रदर्शन थियो, विशेषगरी जब महिला भूत (फिमेल घोस्ट) तपाईंको शरीरमा आउँछ। त्यो एक शट निकै उत्कृष्ट थियो।’
आगामी भनाइमा रणवीरले भने, ‘के तपाईंहरूले कान्तारा हेर्नुभएको छरु जब त्यो शट आउँछ’ भन्दै उनले सो पात्रको नक्कल गर्दै मजाक उडाए। उनले अगाडि भने, ‘के यहाँ कोही छ जो मलाई कान्तारा ३ मा देख्न चाहन्छ ? त्यो यस मानिसलाई भनिदियोस्।’
फिल्म फेस्टिभलबाट रणवीर सिंहको अर्को भिडियो पनि सार्वजनिक भएको छ, जसमा उनी स्टेजबाट झरेपछि पनि ऋषभ शेट्टीकै अगाडि चावुंडी देवीको मिमिक्री गरिरहेका देखिन्छन्। यतिबेला ऋषभ शेट्टी भने निरन्तर इशारा गर्दै उनलाई रोक्न प्रयास गरिरहेका थिए।
भिडियो सार्वजनिक भएपछि दर्शकहरूले रणवीर सिंहको कडा आलोचना गरिरहेका छन्। एक यूजरले लेखेका छन्, “रणवीर सिंहले साँच्चै चावुंडी माता लाई भूत भने। मजाकिया शैलीमा मिमिक्री गरेका छन्। उनी धुरन्धरका लागि समस्या खडा गर्न निकै मेहनत गरिरहेका छन्।”
