काठमाडौं । नेपाली कांग्रेसले कोरोनाभाइरस संक्रमण नेपालमा फैलन नदिन सरकारले ‘एक्सन’ लिन नसकेको आरोप लगाएको छ। प्रवक्ता विश्वप्रकाश शर्माले सीमा नाकामा निर्वाध प्रवेश भइरहेको भन्दै सरकारले एक्सन लिनुपर्ने बताएका हुन्।
शुक्रबार ट्वीट गर्दै प्रवक्ता शर्माले ‘सीमा नाकामा स्वास्थ्य परीक्षणबेगर निर्वाध किन प्रवेश जारी छ ? कोरोना रोक्ने रियाक्सनले कि एक्सनले’ भन्ने प्रश्न गरेका छन्।
उनले कोरोनाको खतरा बढ्दा विद्यालय बन्द गर्नुपर्ने उल्लेख पनि गरे। ‘कोरोना खतरा बढ्दा विद्यालय बन्द गर्नुपर्दछ नै तर खतरा भित्रन सक्ने तराइका नाका पुरै खुला राखेर विद्यालय बन्दले मात्र कोरोना संक्रमण रोक्न सकिने हो र ?,’ शर्माले प्रश्न गरेका छन्।