काठमाडौँ । गृहमन्त्री ओमप्रकाश अर्यालले सुशासन प्रवद्र्धन गर्दै निर्वाचन सम्पन्न गर्ने जिम्मेवारी वर्तमान सरकारको रहेको बताउनुभएको छ ।
लुम्बिनी प्रदेशद्वारा मंगलवार भैरहवामा आयोजित प्रदेशस्तरीय सुरक्षा गोष्ठीको उद्घाटन गर्नुहुँदै उहाँले निर्वाचनलाई नै मूल मन्त्र बनाएर काम गरिरहेको बताउनु भयो । वर्तमान सरकार निर्वाचन गराएर निर्वाचित सरकारलाई सत्ता हस्तान्तरण गर्न आतुर रहेको उहाँको दाबी छ । उहाँले एमाले अध्यक्ष केपी ओलीप्रति लक्षित गर्दै केही व्यक्तिहरु सार्वजानिक खपतको लागि विभिन्न बाहाना देखाएर निर्वाचन हुँदैन भनेर हिँडिरहेको बताउनु भयो । निर्वाचन हुँदैन भन्नेहरुलाई सरकारले कामले जवाफ दिने र दिइरहेको उहाँको भनाई छ ।
एमाले अध्यक्ष ओलीले वर्तमान सरकारले निर्वाचन गर्नै नसक्ने बताउँदै आउनुभएको छ । गृहमन्त्री अर्यालले आफ्नो ईच्छाले आफूहरु सरकारमा नआएको पनि बताउनु भयो । देश शुन्यतामा पुगेको अवस्थामा पाएको जिम्मेवारीलाई पूरा गर्न आफूहरुको केन्द्रित रहेको उहाँको भनाई छ । उहाँले शान्ति सुव्यवस्था कायम गर्न एवं निर्वाचनको वातारण सिर्जना गर्न प्रदेश सरकारको भुमिका पनि उत्तिकै महत्वपूर्ण रहेको बताउनु भयो । संघिय सरकारले निर्वाचनपूर्व, निर्वाचनको अवधि र निर्वाचन पश्चातका कार्यहरुमा समेत प्रदेश सरकारको सक्रियता रहने गरी संयन्त्रहरु बनाएको उहाँले जानकारी दिनुभयो । केन्द्रिय सुरक्षा संयन्त्रबाट स्वीकृत भएको निर्वाचन सुरक्षा योजना बमोजिम प्रदेश सरकारले पनि आफ्नो प्रादेशिक सुरक्षा योजना तयार गरी कार्यान्वयनमा ल्याउने उहाँको भनाई छ । उहाँले निर्वाचनको लागि राजनितिक दलहरुले फरार कैदीबन्दी र लुटिएका हतियारलाई प्रमुख सुरक्षा चुनौतीको रुपमा औल्याएको उल्लेख गर्नुहुँदै विशेष अपरेशनमार्फत हतियार फिर्ता ल्याईसकेको दाबी गर्नुभयो । ठूलो संख्यामा कैदीहरु पनि फिर्ता भईसकेको उहाँको भनाई छ ।
उहाँले भन्नुभयो, ‘सुशासन प्रवद्र्धन गर्दै निर्वाचन सम्पन्न गर्ने अभिभारा वर्तमान सरकारको रहेको छ । हामी यसैलाई मुल मन्त्र बनेर काम गरिरहेका छौँ । विभिन्न बाहाना देखाएर चुनाव हुँदैन भन्ने र गर्न सक्दैन भन्ने कहीँ कतै सुनिएका पनि होलान् । सार्वजानिक खपतका लागि बोलिएका यस्ता विषयहरुलाई सरकारले आफ्नो काम र भुमिकाबाट जवाफ दिन्छ, दिइरहेको पनि छ । हामी कुनै अपेक्षाले आएका होइनौँ । हाम्रो व्यक्तिगत ईच्छाले आएका पनि होईनौँ । देशको विशिष्ट अवस्थामा शुन्यतालाई पूरा गर्न परिस्थितिले विशेष जिम्मेवारी सुम्पेको हुँदा त्यसका लागि आएका हौँ । हामीलाई कुनै किसिमको व्यक्तिगत आकांक्षा र लोभ पनि छैन । प्राप्त जिम्मेवारीलाई अर्जुनदृष्टिमा राखेर स्वहासिल गर्ने दिशामा सरकार केन्द्रित रहेको छ । निर्वाचित सरकारलाई सत्ता हस्तान्तरण गर्न आतुर रहेका छौँ । शान्ति सुव्यवस्था कायम गर्न एवम् निर्वाचनको वातारण सिर्जना गर्न प्रदेश सरकारको भुमिका पनि उत्तिकै महत्वपूर्ण रहेको छ । सरकारले निर्वाचनपूर्व, निर्वाचनको अवधि र निर्वाचन पश्चातका कार्यहरुमा समेत प्रदेश सरकारको सक्रियता रहने गरी संयन्त्रहरु बनाएको छ । केन्द्रिय सुरक्षा संयन्त्रबाट स्वीकृत भएको निर्वाचन सुरक्षा योजना बमोजिम प्रदेश सरकारले पनि आफ्नो सुदृढ प्रादेशिक सुरक्षा योजना तयार गरि कार्यान्वयनमा ल्याउनेछ भन्ने मैले विश्वास लिएको छु । राजनीतिक दलहरुले फरार कैदीबन्दी र लुटिएका हतियारलाई निर्वाचनको प्रमुख सुरक्षा चुनौतीको रुपमा औँल्याउनुभएको छ । हामीले विशेष अपरेशन मार्फत हतियार फिर्ता ल्याईसकेका छौँ भने ठूलो संख्यामा कैदीहरु पनि फिर्ता भईसकेका छन् ।’
उहाँले निर्वाचनको तयारी स्वरुप नै लुम्बिनी प्रदेशमा प्रदेशस्तरीय सुरक्षा गोष्ठी आयोजना गरिएको बताउनु भयो । अन्य प्रदेशमा पनि गोष्ठी आयोजना गर्ने उहाँको भनाई छ । उहाँले प्रहरीहरुलाई निर्धक्क भएर आफ्नो जिम्मेवारी
