काठमाडौं। शिक्षा, विज्ञान तथा प्रविधि मन्त्री महावीर पुनले पहिलो चोटी मतदाता नामावली मा नाम दर्ता गराउनु भएको छ ।
जिल्ला निर्वाचन कार्यालय मिनभवनमा पुगेर नाम दर्ता गराउनु भएको उहाँले जानकारी गराउनु भएको छ ।
मन्त्री पुनले सामाजिक संञ्जालमा लेख्नु भएको छ आम चुनावमा भोट दिनको लागि जिन्दगीमा पहिलो चोटी नयाँ बानेश्वर गएर नाम दर्ता गरियो।
उहाँले लेख्नुभएको छ
आहा ! आम चुनावमा भोट दिनको लागि जिन्दगीमा पहिलो चोटी नयाँ बानेश्वर गएर नाम दर्ता गरियो। १८ बर्ष पुगेका जेनजी पुस्ताका सम्पूर्ण भाई बहिनीहरुलाई अल्छी नगरिकन फाल्गुन २१ गतेको आम चुनावमा भाग लिनको लागि नाम दर्ता गर्न हार्दिक अनुरोध गर्दछु। अब आउने सरकार जेन- जी पुस्ताको बन्नु पर्छ। भगवान कसम बुढो पुस्ताले देशलाई समृद्ध बनाउन एक सक्दैन, दुइ सक्दैन, तीन सक्दैन, सक्दै सक्दैन। यो कुरा समयान्तरमा ध्रुव सत्य सबित भैसक्यो। लौ त भाई बहिनीहरु भोटर लिस्टमा नाम लेखाउन गैहाल त ।
