काठमाडौं । नेपाली काँग्रेसका कार्यवाहक सभापति पूर्णबहादुर खड्काले आज आफू निकटका नेताहरुसँग छुट्टै छलफल गर्नुभयो तर छलफल उहाँले सोचे जस्तो भएन ।
छलफलमा सहभागी एक सदस्यले न्यूजपोलारसंग भन्नुभयो -जे सोचेर छलफल आयोजना गरिएको थियो तर परिणाम भने सकारात्मक आएन ।
उहाँका अनुसार सो समुहका सात नेता अर्थात सात भाई भनेर चिनिएका नेताहरुले निर्वाचन पछि मात्र महाधिबेशन गर्नु पर्ने र अहिलेकै कार्यसमितिले टिकट बाढ्नु पर्ने पक्षमा आफनो दृष्टिकोण राखेका थिए । तर अधिकासं युवा नेताहरुले नयाँ नेतृत्व , नयाँ बिचार सहित निर्बाचनमा जानु पर्ने दृष्टिकोण राखेका थिए ।
उनिहरुले एमाले र माओबादी महाधिबेशन तयारीमा लाग्दा काँग्रेसले किन सक्दैन भन्ने प्रश्न गरेका थिए । उनिहरुले बिगतमा काग्रेसले निर्वाचन बेला घोषणापत्रमा उल्लेख गर्ने कुरा भ्रष्टाचार नियन्त्रण ,शुसासन , शिक्षा , स्वास्थ्य लगायतका एजेण्डा जेन्जीले हाईज्याक गरेको भन्दै पार्टी एजेण्डा बिहिन हुने भन्दै चिन्ता व्यक्त गरेका थिए ।
केन्द्रीय समिति बैठकको अघिल्लो दिन कार्यवाहक सभापति खड्काले आफू निकटका नेताहरुसँग ललितपुरको धोविघाटस्थित सिद्धार्थ कटेजमा बोलाएर आगामी रणनीतिबारे छलफल गर्नुभएको हो ।बैठकमा संस्थापन पक्षीय पदाधिकारी, पूर्वपदाधिकारीसहित करिव ७५ जना सहभागी हुुनुहुन्थ्यो । सभापति शेरबहादुर देउवाले खड्कालाई कार्यवाहक सभापतिको जिम्मेवारी दिएपछि निरन्तर गुट भेला राख्दै आउनुभएको छ ।
उक्त छलफलले पार्टी अब महाधिवेशनभन्दा अगामी २१ फागुनमा तोकिएको चुनावमा केन्द्रित हुनुपर्ने निष्कर्ष निकालेको बताइएको छ ।पार्टी महामन्त्री गगन थापा र विश्वप्रकाश शर्माले मंसिरमा नियमित नभए विशेष महाधिवेशन गर्नुपर्ने अडान राख्दै आउनुभएको छ । केन्द्रीय समिति बैठकले महाधिवेशनको मिति नतोके बेग्लै भेला राख्ने सम्मको तयारी इतरपक्षको छ ।
