एजेन्सी । हालै बलिउड अभिनेत्री करिना कपुरले पैसाबारे आफ्नो दृष्टिकोण सार्वजनिक गरेकी छन् । उनले विवाहपछि आफूले कुन कुरामा सम्झौता नगरेकी हुन् भन्नेबारे पनि खुलासा गरेकी छन् ।
अभिनेत्री करिना कपुर खान बलिउडकी सबैभन्दा चर्चित नायिकामध्ये एक हुन् । आफ्नो मेहनत र समर्पणका कारण उनले त्यस्तो स्थान हासिल गरेकी छन्, जसको सपना धेरै महिलाले देख्छन् । उनको जीवनले महिलाका लागि स्वतन्त्रता, विशेषगरी आर्थिक स्वतन्त्रता कति जरुरी हुन्छ भन्ने कुरा देखाउँछ ।
पैसाप्रतिको दृष्टिकोणमा आएको परिवर्तन
हालै करिना कपुर दिल्लीमा आयोजित एक कार्यक्रममा सहभागी भएकी थिइन् । त्यहाँ उनले वर्षौंको अनुभवले पैसाप्रतिको उनको दृष्टिकोण कसरी बदलिएको छ भन्ने कुरा बताइन् । उनले भनिन्, “मलाई लाग्छ, पैसाप्रतिको मेरो दृष्टिकोण बदलिएको छ। स्पष्ट रूपमा, २६ वर्षदेखि काम गर्दा मैले पैसालाई हेर्ने तरिका नै बदलिएको छ ।”
महिलाले पनि बराबरी पारिश्रमिक चाहन्छन्
करिनाले थपिन्, “आजकल अभिनेत्रीहरूले पनि भन्न थालेका छन् कि उनीहरूलाई आफ्ना पुरुष सहकर्मीसरह पारिश्रमिक मिल्नुपर्छ । यसैले मलाई लाग्छ, यसले महिलाहरूलाई नयाँ दृष्टिकोण दिएको छ । आज पैसाको अर्थ फरक भएको छ। यो केवल बैंकमा पैसा हुनु मात्र होइन ।”
अभिनयमा स्वतन्त्रता चाहन्थिन् करिना
महिलाको आर्थिक स्थिति र स्वतन्त्रताबारे बोल्दै ‘जब वी मेट’ स्टार करिनाले भनिन् कि उनले विवाहपछि पनि कहिल्यै आफ्नो अभिनय स्वतन्त्रतामा सम्झौता गरेकी छैनन् । उनले भनिन्, “आज मानिसहरू जीवनको अनुभव लिन चाहन्छन् । यो अनुभव समयसँगै, काम गरेर, विवाह गरेर आउँछ । अनि तपाईंलाई महसुस हुन्छ कि तपाईं आफ्नो स्वतन्त्रता चाहनुहुन्छ । मसँग पनि यही भयो ।”
करिनाले थपिन्, “म सधैं चाहन्थें कि म अभिनेत्रीको रूपमा आफ्नो स्वतन्त्रता कायम राखौं । जब मैले सैफसँग विवाह गरेँ, त्यसबेला पनि । मलाई लाग्छ, म आफ्ना पैसाको मजा हरेक दिन लिन चाहन्छु ।”
करिना कपुरले हालै निर्देशक मेघना गुलजारको फिल्म ‘दायरा’को सुटिङ सुरु गरेकी छन् । यसमा उनले पृथ्वीराज सुकुमारनसँग स्क्रीन साझा गर्नेछिन् ।
