काठमाडौँ। मुग्लिन–नारायणगढ सडकखण्डको तुइनखोला पुल नजिक दुई दिनदेखि खसेको ठूलो पहिरो अन्ततः हटाउने काम अन्तिम चरणमा पुगेको छ।
सडक डिभिजन कार्यालय भरतपुरका अनुसार, फ्लड लाइट जडान गरेर रातिको समयमा पनि निरन्तर पहिरो हटाउने कार्य भइरहेको छ। आजै सडक सञ्चालनमा ल्याउने तयारीसहित पहिरो पन्छाइए पनि उपत्यकाबाट बाहिरिने यात्रुहरूलाई ठूलो असुविधा भएको छ।
सडक बन्द हुँदा लामो दूरीका बस, ट्रक र मालवाहक सवारी बीचमै अलपत्र परेका थिए। केही सवारी भने वैकल्पिक मार्ग हुँदै सञ्चालनमा आएका थिए। अब बाटो खुल्नासाथ रोकिएका सवारीले सहजै आवागमन गर्ने जनाइएको छ।
