काठमाडौं । राष्ट्रपति कार्यालयमा नवनियुक्त मन्त्रीहरुको पद तथा गोपनीयताको शपथग्रहण कार्यक्रमको तयारी भइरहेको छ ।
अबको केहीबेरमै नवनियुक्त मन्त्रीहरुले पद तथा गोपनीयताको शपथग्रहण लिँदैछन् ।
राष्ट्रपति कार्यालयमा शपथग्रहणको तयारी भइरहँदा नवनियुक्त सञ्चार तथा सूचना प्रविधि जगदीश खरेल इमेज टेलिभिजनबाट बिदा लिएका छन् । टेलिभिजनको न्युज रुमबाट उनी बिदा लिएर बाहिरिएका हुन् ।
इमेज टेलिभिजनका समाचार प्रमुख रहेका खरेलले मन्त्री पदको शपथग्रहण गर्न लागेका हुन् ।
बाहिरिने क्रममा खरेलले ‘आजको सम्म मेरो हाजिर पाक्छ है’ भन्दै ठट्टा समेत गरे ।
