काठमाडौं । तीन दिनदेखि अवरुद्ध नारायणगढ–मुग्लिन सडकखण्डको तुइन खोला पुलनजिक खसेको पहिरो पन्छाउन सुरु भएको छ ।
आज बिहानैदेखि पहिरो पन्छाउन थालिएको हो । पहिरो जान रोकिएपछि पन्छाउन सुरु गरिएको हो ।
अहिले बिहानैदेखि मुग्लिन साइडतर्फ र नारायणगढ तर्फबाट मेसिन परिचालन गरी पहिरो पन्छाउने कार्य सुरू भएको सडक डिभिजन कार्यालय भरतपुरले जनाएको छ ।
यद्यपि ढुंगा झर्ने क्रम अझैसम्म पनि रोकिएको छैन । थप पहिरो नझरे, निरन्तर रूपमा कार्य गर्दा बाधा भएन भने छिटोभन्दा छिटो सवारी आवागमन सञ्चालनमा ल्याउन सकिने डिभिजन कार्यालय भरतपुरले जनाएको छ ।
पहिरोका कारण तीन दिनदेखि सवारी आवागमन बन्द हुँदा यात्रुहरु अलपत्र परेका छन् ।
