काठमाडौ।केपी ओली नेतृत्वको सरकारमा पर्यटनमन्त्री रहनु भएका एमाले सचिब योगेश भट्टराईले नारायणहिटी दरबार संग्रहालयमा रेष्टुरेन्ट निर्माण गर्न दिने निर्णयमा आफ्नो संलग्नता नरहेको बताउनु भएको छ ।
मंगलबार साँझ सामाजिक सञ्जाल फेसबुक मार्फत आफ्नो घारणाा सार्बजनिक गर्दे पूर्वमन्त्री भट्टराईले आफ्नो संलग्नता रहेको भए सत्य तथ्य हस्ताक्षर सहितको निर्णय कपी वा लिखित निर्देशन पत्र सार्वजनिक गर्न चुनाैति दिनुभएको छ । नारायणहिटी दरबार संग्राहालयका बारेमा सार्वजनिक भएको समाचारप्रति गम्भीर ध्यानाकर्षण भएको जनाउदै उहाँले त्यस सम्बन्धि कुनै पनि निर्णयमा आफ्नो संलग्नता नरहेको स्पस्ट पार्नुभएको छ ।
उहाँले त्यस बारेका कुनै पनि निर्णय आफ्नो जानकारीमा समेत नरहेको जनाउनु भएकाे छ । भट्टराईले लेख्नुभएको छ आफ्नो संलग्नता नरहेको कुनै पनि कामप्रति मेरो जवाफदेहीता नरहने स्वत: स्पस्ट छ ।
बिना कसुर कसैको सार्वजनिक छबीमा आँच आउने समाचार र टिप्पणी नगर्न सम्बन्धित सबैमा अनुरोध गर्दछु । दरबार संग्रहालय परिसर भित्रै रेस्टुरेन्ट संञ्चालनका लागि व्यापारिक घराना बतास समुहले संरचना निर्माणको काम गरिरहेको थियो । पर्यटनमन्त्री प्रेम आलेको निर्देशन पछि मन्त्रालयले अर्को निर्णय नभए सम्म तत्काल काम रोक्न निर्देशन दिएको छ ।
यो पनि पढ्नुहोस्- नारायणहिटी संग्रहालय भित्र रेस्टुरेन्ट बनाउने काम रोक्का (पत्रसहित)
