काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले राष्ट्रिय स्वतन्त्र पार्टी (रास्वपा)का सभापति रवि लामिछाने दुब्लाएको बताएका छन् ।
ललितपुरको नख्खु जेलमा लामिछानेसँगको भेटपछि प्रचण्डले यस्तो बताएका हुन् ।
‘भैरहवामा ठूलो पीडा भएको उहाँले सुनाउनुभयो । दुब्लाउनु पनि भएछ । यहाँ भैरहवाको तुलनामा यहाँ धेरै राम्रो रहेको र त्यसको प्रशंसा पनि गर्नुभयो’ भेटपछि प्रचण्डले भने ।
आफू नेतृत्वको सरकारमा दुई पटक गृहमन्त्री रहेकाले अभिभावकको नाताले आफूले लामिछानेलाई भेट गरेको प्रचण्डको भनाई छ ।
‘मेरो क्याबिनेटको उहाँ दुई पटकको गृहमन्त्री पनि हो । अभिभावकको नाताले मैले भेट गरेको हुँ । भैरहवा पनि जान चाहेको थिएँ । तर, जान पाएको थिइनँ’ उनले भने ।
