काठमाडौँ । वैकल्पिक विकास वित्त परिचालनसम्बन्धी व्यवस्था गर्न बनेको विधेयक प्रतिनिधि सभाको अर्थ समितिबाट पारि गरिएको छ ।
मंगलवार सिंहदरबारमा बसेको समितिको बैठकले विधेयकलाई सर्वसम्मत रुपमा पारित गरेको हो । समिति सभापति सन्तोष चालिसेले विधेयकको प्रतिवेदन छिट्टै संसदमा प्रश्तुत गरिने बताउनु भयो ।
सरकारले राष्ट्रिय प्राथमिकताका आयोजनामा स्रोत जुटाउन र सार्वजनिक पूर्वाधारमा विद्यमान लगानीको खाडल पूर्ति गर्ने प्रयोजनले विधेयक ल्याएको हो । बैठकमा बोल्दै अर्थमन्त्री विष्णुप्रसाद पौडेलले यो विधेयक पास भइसकेपछि मुलुकको खर्च गर्ने क्षमताअनुसार पर्याप्त स्रोत जुटाउन सकिने विश्वास व्यक्त गर्नुभयो । विधेयक पास भइसकेपछि बजेटको अभावमा योजना कटौति गर्नुपर्ने विद्यमान समस्यामो समेत हल गर्ने विश्वास व्यक्त गर्दै यस विधेयकलाई छिटो संसदमा प्रश्तुत गर्न समेत आग्रह गर्नुभयो ।
विधेयकले विकासको गतिलाई तिब्रता दिन, विदेशी लगानी आकर्षण र पुँजी परिचालन गर्न प्रेरित गर्ने विश्वास समेत व्यक्त गर्नुभयो ।
