काठमाडौँ । सत्तारुढ दल नेकपा (एमाले)ले संसदीय दलको आकस्मिक बैठक बोलाएको छ ।
यद्यपि, बैठकको एजेन्डा केही खुलाइएको छैन । साढे दश बजे सिंहदरबारस्थित संसदीय दलको कार्यलयमा बैठक डाकिएको एक नेताले बताए ।
संसदमा विचाराधीन र विवादित कतिपय विधेयकहरूको बारेमा दलको धारणा बनाउन आकस्मिक छलफलका लागि बोलाइएको बुझिएको छ ।
यसबाहेक कांग्रेस र एमालेले उपसभामुख इन्दिरा रानामगरलाई हटाउन संसदमा महाअभियोग प्रस्ताव लैजाने छलफल समेत भइरहेकाले सांसदहरूलाई डाकिएको अनुमान समेत गरिएको छ ।
प्रतिनिधि सभाको बैठक भोलि बुधबार बस्दैछ । त्यसअगाडि आज एमालेले संसदीय दलको आकस्मिक बैठक बोलाउनुलाई चासोका साथ हेरिएको छ ।
