काठमाडौँ । सहकारी ठगीको आरोप लागेर पुर्पक्षका लागि नख्खु कारागारमा राखिएका राष्ट्रिय स्वतन्त्र पार्टीका सभापति रवि लामिछानेको शरीरमा भिटामिन डीको कमी भएको पाइएको छ ।
लामिछानेलाई हाइपर टेन्सनसमेत भएको चिकित्सकले बताएका छन् । उनको ब्लड प्रेसर भने नर्मल रहेको छ । अर्थात १२०/८० ब्लड प्रेसर रहेको हो ।
लामिछानेको स्वास्थ्यमा समस्या आएपछि वीर अस्पतालको ट्रमा सेन्टरका चिकित्सकले रगतको नमूना लिएर परीक्षण गरेका छन् । तर चिकित्सकले रगत परीक्षणको प्रतिवेदन दिइसकेका छैनन् ।
उनलाई जन्डिस भएको आशंकामा रगत परीक्षण गरिएको हो । तर हाइपर टेन्सन र भिटामिन डी को कमीका कारण समस्या देखिएको ट्रमा सेन्टर स्रोतले जनाएको छ ।
लामिछाने बिरामी भएलगत्तै रास्वपाका कार्यवाहक सभापति डीपी अर्याल भेट्न कारागार पुगेका थिए । उनले ट्रमा सेन्टरका चिकित्सकले रगत परीक्षण गर्न नमूना लिएपछि रिपोर्ट नआइसकेको बताए । लामो समय अँध्यारो कोठामा बस्नुपरेकोले समस्या आएको हुनसक्ने उनको भनाइ छ ।
लामिछानेलाई शनिबार मात्रै रुपन्देही कारागारबाट नक्खु कारागारमा स्थानान्तरण गरिएको हो ।
