मुम्बई । भारतमा कोरोना त्रासका कारण फिल्महरुको रिलिज धमाधम पोस्टपोन्ड भइरहेको छ ।
बलिउड तथा साउथका चलचित्रहरुको प्रदर्शन मिति एकपछि अर्को गर्दै पोस्टपोन्ड भएका छन् भने अधिकांश राज्यका सिनेमा हलहरु पनि बन्द भइसकेका छन् ।
बाहुबली फेम निर्देशक एसएस राजामौलीको चलचित्र ‘आरआरआर’ जनवरी ७ बाट पोस्टपोन्ड भइसकेको छ ।
अब अर्को प्रतीक्षित साउथ चलचित्रको प्रदर्शन मिति पनि पछि धकेलिएको छ । साउथका सुपरस्टार प्रभास र अभिनेत्री पूजा हेग्डेको मुख्य भूमिका रहेको चलचित्र ‘राधे श्याम’को प्रदर्शन मिति जनवरी १४ बाट पोस्टपोन्ड गरिएको हो ।
यो चलचित्रलाई जनवरी १४ मै ल्याउने तयारी गरिएपनि भारतमा कोरोना संक्रमितको संख्या ह्वात्तै बढेपछि यस फिल्मको रिलिज हाललाई स्थगित गरिएको छ ।
यस्तै, साउथकै अर्का स्टार अजित कुमार अभिनित चलचित्र ‘वालिमाई’को प्रदर्शन मिति जनवरी १३ मा तोकिएको थियो, तर यस फिल्मको पनि रिलिज मिति पोस्टपोन्ड गरिएको छ ।
