एजेन्सी । भारतको पञ्जाबमा प्रधानमन्त्री नरेन्द्र मोदीको फिरोजपुर र्याली रद्द हुनुको कारण सुरक्षामा कमजोरी भएको बताइएको छ ।
भारत सरकारको गृह मन्त्रालयले प्रधानमन्त्री मोदीको पञ्जाब भ्रमणमा सुरक्षामा कमजोरी भएको जनाएको हो । मोदी एक फ्लाइओभरमा १५–२० मिनेटसम्म फस्नुपरेको थियो ।
यसैबीच, भारतीय जनता पार्टी (भाजपा)ले भने पञ्जाब कांग्रेसले मोदीको कार्यक्रम बिथोल्ने रणनीति गरेको आरोप लगाएको छ । यसभन्दा पहिले कोरोना र मौसमी खराबका कारण मोदीको र्याली रद्द भएको थियो ।
प्रधानमन्त्री मोदीको फिरोजपुरमा चुनावी र्याली थियो । किसान आन्दोलन सकिएपछि मोदी पहिलो पटक पञ्जाब पुगेका थिए । मौसमको खराबीका कारण मोदी सडक मार्गबाट फिरोजपुर जाँदै थिए ।
यसप्रकारको सुरक्षामा कमजोरी भएको घटनाले पञ्जाब सरकारबारे प्रश्न उठेको भारतीय सञ्चारमाध्यमले उल्लेख गरेका छन् ।
