काठमाडौं । देशभर पछिल्लो २४ घन्टामा थप ४३५ जनामा कोरोना भाइरसको संक्रमण पुष्टि भएको छ ।
स्वास्थ्य मन्त्रालयका अनुसार पछिल्लो २४ घण्टामा जम्मा १० हजार २६७ नमुना परीक्षण गर्दा आरटी पीसीआरबाट ६ हजार ७१५ र एन्टीजेनबाट ३ हजार ५५२ नमुना परीक्षण गरिएको थियो । जसमध्ये पीसीआरबाट ३७० र एन्टीजेनबाट ६५ संक्रमित भेटिएका हुन् ।
यस्तै पछिल्लो २४ घण्टामा २३९ जना संक्रमित निको भएका छन् । बुधबार कोरोनाबाट मृत्यु हुनेको संख्या शून्य रहेको छ ।
