काठमाडौं । उच्चस्तरीय समन्वय समितिको बैठकले राष्ट्रिय सभा निर्वाचनमा सत्ता गठबन्धनका उम्मेदवारहरुलाई जिताउन भूमिका खेल्ने निर्णय गरेको छ ।सरकार संञ्चालनमा सहजीकरण गर्न नेपाली काग्रेसका नेता रामचन्द्र पौडेलको संयोजकत्वमा गठन गरिएको संयन्त्रको आज बिहान प्रधानमन्त्रीको सरकारी निवास बालुवाटारमा बसेको बैठकले सत्ता गठबन्धनका उम्मेदवारहरुलाई जिताउन भूमिका खेल्ने निर्णय गरेको हो ।
बैठकपछि सरकारका प्रवक्ता समेत रहनु भएका समितिका सदस्य ज्ञानेन्द्रबहादुर कार्कीले भन्नुभयो बैठकले गठबन्धनका उम्मेदवारहरुलाई जिताउन मतदातालाई अपिल गर्दछौ । बैठकले प्रधानमन्त्री शेरबहादुर देउवालाई भारत भ्रमणको शुभकामना दिंदै भ्रमणले दुई देशबीचको सम्बन्ध थप सुदृढ हुने विश्वास व्यक्त गरेको पनि कार्कीले जानकारी दिनुभयो । संयन्त्रका संयोजक पौडेलले बुधबार साँझ प्रमुखप्रतिपक्ष दल नेपका एमालेका अध्यक्ष केपी ओली संग उहाँ कै निबास बालकोटमा वार्ता समेत गर्नुभएको थियो ।
