उत्तर कोरियाले बुधबारको मिसाइल परीक्षण हाइपरसोनिक हतियार भएको र त्यसले आफ्नो लक्ष्यमा सफलतापूर्वक प्रहार गरेको बताएको छ ।
यस्तो गतिविधिमा संयुक्त राष्ट्र संघले प्रतिबन्ध लगाएको भए पनि जापान र दक्षिण कोरियाले पत्ता लगाएको प्रक्षेपण अक्टोबर पछिको पहिलो र हाइपरसोनिक मिसाइलको दोस्रो हो ।
ठाडो ट्र्याजेक्टोरीहरूमा फर्कनु अघि ब्यालिस्टिक मिसाइलहरू विपरीत बाहिरी अन्तरिक्षमा उड्छन् तर हाइपरसोनिक हतियारहरू कम उचाइमा लक्ष्यहरू तर्फ उड्छन् र ध्वनिको पाँच गुणाभन्दा बढी गति हासिल गर्न सक्छन् अर्थात करिब टछ हजार २०० किलोमिटर प्रति घण्टा यिनीहरुको वेग हुन्छ ।
“हाइपरसोनिक क्षेप्यास्त्र क्षेत्रको परीक्षण प्रक्षेपणमा लगातार सफलताहरूले रणनीतिक महत्त्व राखेको छ, यिनीहरूले राज्यको रणनीतिक सशस्त्र बललाई आधुनिकीकरण गर्ने कार्यलाई तीव्रता दिएका छन्”, सरकारी समाचार समिति केसीएनएले भन्यो ।
केसीएनएका अनुसार बुधबारको परीक्षणमा ‘हाइपरसोनिक ग्लाइडिङ वारहेड’ आफ्नो बुस्टरबाट अलग भयो र ७०० किलोमिटर टाढाको लक्ष्यमा ‘सहीरुपमा प्रहार’ गर्नुअघि १२० किलोमिटर पछाढि फर्कियो । परीक्षणले उडान नियन्त्रण र जाडोमा सञ्चालन गर्ने क्षमता जस्ता कम्पोनेन्टहरू पनि पुष्टि गरेको छ उसले बताएको छ । मिसाइलले ‘मल्टी–स्टेप ग्लाइड जम्प उडान र बलियो फिर्तीको’ संयोजन गर्ने क्षमता प्रदर्शन गर्यो।
सन् २०१७ यता उसले आणविक बम वा लामो दुरीको अन्तरमहादेशीय ब्यालिस्टिक मिसाइलको परिक्षण नगरेको भए पनि हालैका वर्षहरूमा उत्तर कोरियाले क्षेप्यास्त्र प्रतिरक्षालाई जित्न सक्ने लक्ष्यका साथ धेरै म्यान्युभेबल मिसाइल र वारहेडको दायरा विकास र प्रक्षेपण गरेको छ।
यो मुलुकले पहिलो पटक सेप्टेम्बरमा हाइपरसोनिक मिसाइल ह्वासोङ–८ परीक्षण गरेको थियो। हाइपरसोनिक हतियारहरूलाई हतियारहरूको अर्को पुस्ता मानिन्छ ।