हेटौँडा । बागमती प्रदेश सरकारका चार मन्त्रीले राजीनामा दिएका छन् । शुक्रबार नेपाली कांग्रेसबाट मन्त्री बनेका चार जनाले राजीनामा दिएका हुन् ।
राजीनामा दिनेमा संस्कृति तथा पर्यटनमन्त्री विमल ठकुरी, सहकारी तथा गरिबी निवारण मन्त्री मदुकुमार श्रेष्ठ, युवा तथा खेलकुद मन्त्री मीनकृष्ण महर्जन र आन्तरिक मामिला तथा कानुन मन्त्री सुरजचन्द्र लामिछाने रहेका छन् ।
कांग्रेस सांसदहरूले मुख्यमन्त्री लामालाई ह्वाट्स एपमा पत्र पठाउदै उनीहरुले विविध कारणले जिम्मेवारी बहस गर्न सक्ने अवस्था नरहेकोले आजकै मितिदेखि लागू हुने गरी राजीनामा दिएका हुन् ।
उनीहरुले आजको मितिसम्म मन्त्रालयको जिम्मेवारी सफलतापूर्वक निर्वाचन गर्न दिएकोमा मुख्यमन्त्रीलाई धन्यवाद समेत दिएका छन् ।
कांग्रेस संसदीय दलका नेतासमेत रहेका मुख्यमन्त्री बहादुरसिंह लामालाई हटाउने पहलस्वरुप उनीहरुले एकैसाथ राजीनामा दिएको बुझिएको छ ।
