काठमाडौँ । पूर्वराष्ट्रपति विद्यादेवी भण्डारी र काठमाडौं महानगरपालिकाका मेयर बालेन्द्र शाह (बालेन)बीच भेटवार्ता भएको छ ।
पूर्वराष्ट्रपति भण्डारीको निवास भंगालमा भेटवार्ता भएको छ । पूर्वराष्ट्रपति भण्डारी र मेयर शाहबीच गत बिहीबार (असार १९ गते) भेटवार्ता भएको हो ।
उक्त भेटका क्रममा नेकपा (एमाले) का नेताहरू शेरधन राई, काठमाडौं क्षेत्र नम्बर ९ का सांसद कृष्णगोपाल श्रेष्ठलगायत नेताहरू पनि सहभागी भएको स्रोतले जनाएको छ ।
भेटवार्ताका क्रममा पूर्वराष्ट्रपति भण्डारीले काठमाडौं महानगरपालिकाको पछिल्लोपटक भइरहेको विवादबारे चासो राख्नुभएको थियो ।
सो क्रममा बजेट ल्याउन भइरहेको असहजताबारे मेयर साहले पनि आफ्ना कुरा राख्नुभएको थियो ।
