काठमाडौँ । जर्मन तथा बायर्न म्युनिखका फरवार्ड जमाल मुसियाला कम्तिमा ४–५ महिना मैदान बाहिर रहने भएका छन् ।
गएराति क्लब विश्वकप अन्तर्गत पिएसजीसँगको खेलमा घाइते बनेका उनको खुट्टामा डरलाग्दो चोट लागेको थियो ।
चोटपछि प्रारम्भिक परीक्षणले देखाएको अनुसार मुसियालाको बायाँ फिबुला भाँचिएको छ र धेरै लिगामेन्टहरूमा क्षति पुगेको छ ।
पिएसजीका गोलकिपर डोनारुम्माले उनीमाथि ट्याकल गरेका थिए । बललाई नियन्त्रणमा लिने क्रममा डोनारुम्मा मुसियालामाथि हाम फालेर बल समात्न पुगे ।
२२ वर्षीय मुसियालाको चोटबाट क्लब बायर्न म्युनिख र जर्मन टोलिलाई निकै क्षति पुगेको छ । उनी दुबैका लागि प्रमुख खेलाडी हुन् ।
