काठमाडौँ । प्रहरीले क्रिप्टो कारोबार तथा ठगीमा संलग्न आरोपमा ५२ जनालाई पक्राउ गरेको छ ।
ललितपुर महानगरपालिका–४ स्थित दमकल चोकमा भाडामा लिएको घरमा छापा मारेर प्रहरीको केन्द्रीय अनुसन्धान ब्युरोको टोलिले उनीहरूलाई पक्राउ गरेको हो ।
चिनियाँहरूले कल सेन्टर र सफ्टवेयर कम्पनी सञ्चालन गर्ने नाममा सो घर भाडामा लिएको पाइएको छ । ‘मेटो’ नामको एप मार्फत उनीहरूले युवतीहरू प्रयोग गरेर ठगी धन्दा समेत चलाएको अनुसन्धानबाट खुलेको छ ।
काठमाडौँको चागलमा पनि उनीहरूले सञ्चालन गरेको कार्यालयमा छापा मारेर ठगीमा प्रयोग गरिएको डिभाइस बरामद गरिएको छ । आरोपीहरूको साथबाट स्रोत नखुलेको १३ लाख नगद पनि बरामद गरिएको प्रहरीले जनाएको छ ।
