काठमाडौँ । उद्योग, वाणिज्य तथा आपूर्तिमन्त्री दामोदर भण्डारीले आइएमई ग्रुपले नयाँ नेपाल निर्माणको अभियानमा आपूmलाई उभ्याएको बताउनुभएको छ ।
बुधवार एभरेष्ट फाइबर सिमेन्ट बोर्डको उद्घाटन तथा उत्पादन सार्वजनिक कार्यक्रमलाई सम्बोधन गर्दै मन्त्री भण्डारीले बोर्डबाट उत्पादित सामग्रीले आयात प्रतिस्थापन गर्दै निर्यात प्रवद्र्धन गर्ने विश्वास व्यक्त गर्नुभएको छ । बोर्डको उत्पादन नेपालमै शुरु भएकोमा खुशी व्यक्त गर्दै उहाँले मुलुकको भूबनावट, विभिन्न समयमा व्यहोर्नुपरेका क्षति, तत्काल उद्धार गर्नुपर्ने बाढी, पहिरो, भूकम्प, आगजनीजस्ता विपद्का समयमा तत्काल पुनःनिर्माणमा यसले मद्दत पु¥याउने बताउनु भयो ।
मन्त्री भण्डारीले निराशाको बीचमा पनि आशाको दियो बाल्दै अघि बढिरहेको आइएमई ग्रुपले अघि सारेका उद्यमशीलताको विकास र विस्तारमा सरकार सधैं साथमा रहने बताउनुभयो । उहाँले उद्योग र उद्यमशीलता जोखिमका बीचमा सुरु गर्नुपर्ने बताउँदै त्यसका लागि निजी क्षेत्रले खोजेको नीतिगत सहजताका लागि सरकार हरसम्भव तयार रहने स्पष्ट पार्नुभयो ।
उहाँले भन्नुभयो, ‘आज आइएमइ ग्रुपको तर्फबाट एभरेष्ट फाइबर सिमेन्ट बोर्ड प्रालिले बोर्ड उत्पादन शुरु भएको छ । यो अत्यन्त खुशीको कुरा हो । विभिन्न लगानीकर्ताहरुको सहकार्यमा हामीले नयाँ नेपाल निर्माणको अभियानमा यो संस्थाले आपूmलाई उभ्याएको छ । हाम्रो उत्पादनले आयात प्रतिस्थापन गर्नेछ । निर्यात प्रवद्र्धन गर्नेछ । र, यो एभरेष्ट फाइबर सिमेन्ट अहिलेको समय सापेक्ष, यसको उपयोगिता, यसको गुणस्तर, यसको प्रयोगको कुरा पर्याप्त छलफल भएको छ चर्चा भएको छ ।
हामी हाम्रो मुलुकको भूवनोट, हामीले विभिन्न समयमा व्यहोर्नुपरेका क्षतिहरु, तत्काल रेस्क्यु गर्नुपर्ने बाढी, पहिरो, भुकम्प आगजनीजस्ता थुप्रै चिजहरु सामना गर्यउौ । त्यसको पुनःनिर्माणका लागि हामीले नयाँ प्रविधिमा यसलाई सुरक्षित भरपर्दो वस्तुको रुपमा यो उत्पादनले आपूmलाई उभ्याएको छ । म यसका सञ्चालक, उत्पादक सबैलाई विशेष धन्यवाद दिन चाहन्छु । हामी नेपाल बन्दैछ, निराशाको बिचमा पनि आशाको दियो बल्दैछ । यतिबेला व्याप्त निराशालाई हामीले केही न केही गरेर देखाइरहेका छौं । देशभित्रै सम्भावना खोजिरहेका छौं । यसका लागि यो ग्रुपले जसरी पाइला अगाडि बढायो । यसको विकास, विस्तारमा सरकार यहाँहरुको साथमा रहने विश्वास दिलाउन चाहन्छु ।
हामीले जबसम्म उत्पादकत्व बृद्धि गर्न सक्दैनौं तबसम्म उद्योगको् योगदान रोजगारीमा हुँदैछ । रोजगारीमा उत्पादनमा उद्यमशीलताबाट मात्र सम्भव छ । कठिन छ उद्योग उद्यमशीलताका लागि सजिलो छैन । प्रतिष्पर्धा गरिरहनुपरेको छ । विश्व बजारसँग प्रतिस्पर्धा गर्नुपर्नेछ । हाम्रो लागतलगायतका हिसावले कुरा गर्दा त्यो प्रतिस्पर्धामा छौं तर प्रतिष्पर्धामा श्रेष्ठ हुनसकिरहेका छैनौं ।
एउटा पुल बनाउन सकिन्छ, एउटा रेल चलाउन सकिन्छ, एउटा घर बनाउन सकिन्छ उद्योग खोल्न सजिलो छैन उद्योग खोल्न सकिन्छ, सञ्चालनलगायतका जोखिम छन् ती सबैको सामना गर्नुपर्ने हुन्छ । त्यसैले उद्योग उद्यमशीलता धेरै जोखीमको बिचमा पनि सुरु गर्नुपर्नेछ । त्यसका लागि राज्यको नीति आवश्यक छ । उद्योगीले नीतिगत र पोलिसिमा सहजता खोजेको हुन्छ । आगामी वर्षको कुल विनियोजित बजेटको ०.५ प्रतिशतमात्र बजेट छ । हामीले यतिधेरै उद्योग बनाउनुपर्नेछ, उद्यमशीलतामा सामेल हुनुपर्नेछ, रोजगारी सिर्जना गर्नुपर्नेछ । बजेट चाहिँ चालु आर्थिक वर्षको भन्दा ०.१ प्रतिशत बढायौं । हामीले बजेट भन्दा पनि नीतिमा बजेट दिऔं, बजेट निजी क्षेत्रसँग छ र निजी क्षेत्रसँग रहेको पूँजीलाई बाहिर ल्याउनुछ । भएका नीतिगत समस्या फुकाउँ ।’
उहाँले निजी क्षेत्रसँगको पुँजी लगानीमा भएका नीतिगत समस्या फुकाउँदै अघिबढ्न सरोकारवालासँगको छलफलका लागि मन्त्रालय सधैं तयार रहने बताउनु भयो ।
