एजेन्सी । स्कटल्याण्डकी एलेनाले ३१ वर्षपछि समुद्रमा फ्याँकेको पत्र फिर्ता पाइन् ।
१२ वर्षको उमेरमा एलेनाले एउटा स्कूल प्रोजेक्ट पाइन् । यसमा उनले बोतलभित्र एउटा पत्र राखेर समुद्रमा फ्याँक्नुपरेको थियो ।
यस पत्रमा, एलेनाले उक्त बोतल फेला पार्ने व्यक्तिको लागि सन्देश लेखेकी थिइन्, जुन बोतल धेरै वर्ष पछि २७ वर्षीया पियाले स्कटल्याण्डबाट ११६६ किलोमिटर टाढा नर्वेजियन तटमा फेला पारेकी थिइन् ।
चिठ्ठी पढेपछि पियाले बोतलको फोटोसहित एलेनाको लागि पोस्टकार्ड लेखिन् । पत्र पाएपछि एलेना धेरै खुसी भइन् । उनले फेसबुक मार्फत फेरि पियालाई सम्पर्क गरिन् । ३१ वर्षपछि बोतल फेला परेको थाहा पाउने बित्तिकै पिया छक्क परिन् ।
