काठमाडौँ । राष्ट्रिय स्वतन्त्र पार्टी (रास्वपा)का प्रवक्ता मनिष झाले भिजिट भिसा प्रकरणबारे गठित उच्चस्तरीय छानविन समितिलाई अस्वीकार गर्ने बताएका छन् ।
छानबिन समितिलाई दिइएका कार्यादेशमा भिजिट भिषाको दुरुपयोग गर्दै गैरकानुनी गतिविधिमा संलग्न व्यक्तिहरूको पहिचान र कारबाहीका लागि कुनै बुँदा समावेश नगरिएको भन्दै प्रवक्ता झाले आपत्ति समेत जनाए ।
उक्त समिति प्रमुख प्रतिपक्ष नेकपा (माओवादी केन्द्र) को मुख लुकाउन र सत्तापक्षको मान्छेलाई चोख्याउन रचिएको परिपञ्च मात्र रहेको झाले टिप्पणी गरे ।
उनले भनेका छन् – छानबिन समितिलाई दिइएका कार्यादेशमा भिजिट भिषाको दुरुपयोग गर्दै गैरकानुनी गतिविधिमा संलग्न व्यक्तिहरूको पहिचान र कारबाहीका लागि कुनै बुदा राखिएको छैन ।
तसर्थ यो समिति माओवादीको मुख लुकाउन र सत्तापक्षको मान्छेलाई चोख्याउन रचिएको परिपञ्च मात्र हो । तसर्थ राष्ट्रिय स्वतन्त्र पार्टी यो टालटुले समिति अस्विकार गर्छ ।
हाम्रो आन्दोलन जारी छ । रास्वपा एक्लै भारी छ ।
