काठमाडौँ । भिजिट भिसा प्रकरणबारे छानबिन गर्न सरकारले उच्चस्तरीय अध्ययन एवं छानबिन समिति बनाएको छ । गृहमन्त्री रमेश लेखकका अनुसार पूर्वमुख्यसचिव शंकरदास वैरागीको संयोजकत्वमा ७ सदस्यीय समिति बनाइएको हो ।
वैरागीको संयोजकत्वको समितिमा अर्थ मन्त्रालयका सहसचिव तीर्थराज चिलवाल, कानुन न्याय तथा संसदीय व्यवस्था मन्त्रालयका सहसचिव अरुणा जोशी, संस्कृति पर्यटन तथा नागरिक उड्डयन मन्त्रालयका सहसचिव रामकृष्ण लामिछाने, परराष्ट्र मन्त्रालयका सहसचिव मणिरत्न शर्मा र श्रम तथा सामाजिक सुरक्षा मन्त्रालयका सहसचिव प्रदीप कोइराला सदस्य छन् ।
गठित उच्च स्तरीय समितिको ९ वटा कार्यादेश रहेको पनि गुहमन्त्रीले जानकारी दिए । समितिले सुझाव दिने र त्यसलाई कार्यान्वयन सरकारले गर्ने गृहमन्त्री लेखकले बताए ।
उनका अनुसार समितिले तत्कालिन र दीर्घकालिन रुपमा गर्ने कामहरूबारे सुझाव दिनेछ । नीतिगत र कानुनी सुधार आवश्यक भए त्यसको मस्यौदा समेत सुझाउनेछ ।
अख्तियार दुरुपयोग अनुसन्धान आयोगले गरिरहेको काममा असर नपर्ने गरी समितिले काम गर्नेछ ।
