काठमाडौँ । ६० किलो सुन तस्करी प्रकरणमा पक्राउ परेकी अमला रोकालाई काठमाडौँ जिल्ला अदालतले धरौटीमा छाड्न आदेश गरेको छ ।
सोमबार न्यायाधीश बलराम लम्सालको इजलासले रोकालाई २ लाख रुपैयाँ धरौटीमा छाड्न आदेश गरेको हो ।
प्रहरीले शुक्रबार रोकालाई टोखाबाट पक्राउ गरेको थियो । रोका सुन तस्करी प्रकरणमा पक्राउ परी थुनामा रहेका बेल्जियम नागरिक दावा छिरिङकी श्रीमती हुन् ।
२ साउन २०८० माराजस्व अनुसन्धान विभागले त्रिभुवन अन्तर्राष्ट्रिय विमानस्थलबाट भन्सार राजश्व जाँच पास गरेर बाहिरिएको ६० किलो सुन बरामद गरेको थियो । उक्त मुद्दामा जिल्ला सरकारी वकिलको कार्यालयले २९ जनाविरुद्ध मुद्दा दायर गरेकोपछि रोका फरार थिइन् ।
