काठमाडौं । रास्वपाका सांसदहरू कालो लुगा र नीलो स्काप लगाएर संसद् भवन पुगेका छन् ।
भिजिट भिसा प्रकरणमा गृहमन्त्री रमेश लेखकको राजीनामा र छानबिन समितिको अडान कायमै राख्दै उनीहरुले विरोधस्वरुप उक्त ड्रेस कोड लगाएका हुन् ।
मानव तस्करीविरुद्धको अभियानलाई विश्वव्यापी रूपमा ‘निलो रिबन’ को प्रतीकले जनाउने भन्दै विरोधमा नीलो स्काप र कालो पोशाक लगाएर आएको प्रवक्ता मनिष झाले बताए ।
‘हामी २२ दिनदेखि आन्दोलनरत छौँ । मानव तस्करीको विरोधस्वरुप निलो रिबन र कालो ड्रेस लगाएर आएका हौँ ।’उनले भने, ‘यो केवल रङ होइन, नागरिकको आवाज हो । मानव तस्करविरुद्धको आन्दोलन जारी छ ।’
अहिले रास्वपाको नाराबाजी बाबजुद पनि सभामुखले सदनको कारबाही अघि बढाइरहेका छन् ।
