काठमाडौँ । राष्ट्रपति विद्यादेवी भण्डारीलाई भेट्न प्रधानमन्त्री केपी ओली आज बिहान शीतल निवास पुगेका छन् । हाल देशमा विकसित परिस्थितिका साथै समसामयिक विषयमा छलफल गर्न प्रधानमन्त्री ओली बिहान शितल निवास पुगेको शीतल निवास स्रोतले जनाएको छ । अहिले पनि प्रधानमन्त्री ओली शीतल निवासमै छन् । बिहान साढे १० बजेदेखि उनीहरुबीच छलफल भइरहेको छ। समसामयिक विषय कुरा गर्न यो नियमित भेटघाट भएको बताइएको छ ।
प्रधानमन्त्री निवास बालुवाटारमा सत्तारूढ नेपाल कम्युनिष्ट पार्टीको स्थायी समिति बैठक सुरू हुनु आधा घन्टाअघि प्रधानमन्त्रीओली राष्ट्रपति भण्डारीलाई भेट्न गएको समाचारमा जनाइएको छ । पछिल्लो समय प्रधानमन्त्री ओलीले कालापानी क्षेत्र समेटेर नयाँ नक्सा जारी भएपछि भारतले आफूलाई हटाउन खोजेको अभिव्यक्ति दिएका थिए। प्रधानमन्त्रीको उक्त अभिव्यक्तिको नेकपाभित्र विरोध भएको छ। नेताहरूले प्रधानमन्त्रीको भनाइबारे स्थायी समितिमा छलफल हुनुपर्ने बताएका छन् ।
प्रधानमन्त्री ओली भने बालुवाटारमै भइरहेको पार्टी बैठक छलिरहेका छन्। तर प्रधानमन्त्री भने बैठकमा उपस्थित मात्र हुने गरेका छन् ।
