काठमाडौँ। नेपाल विद्युत् प्राधिकरणका अम्बिका सापकोटा र नेपाल कृषि विकास बैंकका दीपिका राई १४औँ कर्मचारी खेलकुद प्रतियोगिताअन्तर्गत ब्याडमिन्टनको महिला सिंगल्समा आज फाइनलमा पुग्नुभएको छ ।
हात्तिगौडास्थित ¥याकट एन्ड रोल ब्याडमिन्टन हलमा भएको खेलमा अम्बिकाले कृषि विकास बैंकका प्रतीक्षा नेपाललाई २१–१७ र २१–१६ तथा दीपिकाले नेपाल नागरिक उड्डयन प्राधिकरणका सरला श्रेष्ठलाई २१–११ र २१–१२ को सोझो सेटमा पराजित गर्नुभयो ।
पुरुष सिंगल्समा विद्युत् प्राधिकरणका भक्तराज जोशीले कृषिका टक्कर कुँवरलाई २१–१९ र २१–१४ तथा विद्युतकै मंगेश तामाङले नागरिक उड्डयनका कालजङ्ग लामालाई १९–२१, २१–१६ र २१–५ को सेटमा हराउदै फाइनलमा स्थान पक्का गर्नुभयो ।
कर्मचारी खेलकुद प्रतिष्ठान नेपाल (इसान)द्वारा आयोजित प्रतियोगिताको भेट्रान ४५ वर्षमाथि पुरुष सिंगल्समा विद्युत्का रत्न श्रेष्ठले नागरिक उड्डयनका देवेन्द्रप्रसाद पाण्डेलाई २२–२४, २१–११ र २१–११ तथा विद्युतका राजु महर्जनले नेपाल वायु सेवा निगमका घनश्याम भट्टलाई २१–१३ र २१–११ ले पाखा लगाउदै फाइनलमा पुग्नुभयो ।
एक्जिक्युटिभ डबल्समा विद्युत्का बासु कोलोनी र लोकेन्द्र साउदको जोडी तथा विद्युतकै विष्णु गैरे र युकेश श्रेष्ठको जोडीले फाइनलमा स्थान बनाउनुभयो ।
पुरुष डबल्समा कृषिका टक्कर कुँवर र राजकुमार निरौला तथा विद्युत्का विनोद अधिकारी र भक्तराज जोशीले फाइनल भेट पक्का गर्नुभयो ।
भेट्रान ४५ वर्षमाथि पुरुष डबल्समा विद्युत्का राजु महर्जन र रत्न श्रेष्ठ तथा विद्युत्का छविलाल भट्टराई र विष्णु मास्केको जोडीले फाइनलमा स्थान सुरक्षित गर्नुभयो । रासस
