काठमाडौं । पहिलो पटक युरोपियन देश साइप्रसबाट कतार एयरवेजले नेपालीहरुको चार्टर्ड बिमान उडाएको छ । कोरोना भाइरसको महामारीकाबीच ८८ जना नेपाली बोकेर कतार एयरवेजको उडान क्युआर २६६ नम्बरको जहाज नेपालका लागि उडेको हो । फर्किनेमध्ये २२ महिला र ६६ जना पुरुष रहेका छन् ।
यो उडान उद्धारको पहिलो चरण अन्तर्गत अन्तिम उडान हो । शुक्रवार फर्किएका सबैजना नेपाली दूतावास इजरायल, होनरी कन्सुलेट साइप्रस र एनआरएन साइप्रसको प्राथमिकतामा परेकाहरु हुन् ।
नेपाल फर्किएका प्रायःको कोरोना परीक्षणको प्रमाणपत्र साथमा रहेको र सरकारले तोकेको ६ सय ४० युरो (करिव ८५ हजार ९४८ रुपैया) का दरले टिकट लिएका छन् ।
दूतावासको समन्वय ,नेपाल सरकारको सहयोगमा सबैले हातेमालो गरेका कारण कतार एयरलाइन्समार्फत पहिलो र अन्तिम चरणको उडान सकिएको नेपाली दूतावास इजरायलले जनाएको छ ।
