काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राप्रपा नेपालका अध्यक्ष कमल थापालाई तत्काल रिहा गर्न माग गरेका छन् ।
आइतबार नारायणचौरमा भएको राजावादी प्रदर्शन बालुवाटारतर्फ अघि बढ्न खोजेपछि प्रहरीले थापासहितका केहि राजावादीहरूलाई पक्राउ गरेको थियो ।
उनी पक्राउ परेपछि प्रदर्शनस्थलमै बोल्दै अध्यक्ष लिङ्देनले थापालाई तत्काल रिहा नगरिए आन्दोलन सोमबारदेखि थप सशक्त बनाइने चेतावनी दिए । ‘कमल थापालाई अहिले यहीँ ल्याएर ससम्मान फिर्ता नगर्ने हो भने भोलिबाट काठमाडौं उपत्यका बन्द सुरु हुन्छ ।’ उनले भने,‘अब हामी एक ठाउँमा भेला भएर होइन, ५० ठाउँबाट निस्किन्छौं । कहाँ रोक्नुहुन्छ तपाईं ?’
उनले सरकारले धरपकडको नीति लिएको भन्दै भोलिबाट खास लडाइँ सुरु हुने बताए ।
अहिले राजावादीले नक्सालस्थित प्रहरी हेडक्वार्र्टर अगाडिको सडकमै प्रदर्शन गरिरहेका छन् ।
