काठमाडौँ। नेपाल आयल निगमले पेट्रोल, डिजेल, मट्टितेल र हवाई इन्धनको मूल्य घटाएको छ । इन्डियन आयल कर्पोरेशनबाट मूल्य घटेर आएपछि निगमले समायोजन गरेको हो ।
पेट्रोलमा प्रतिलिटर २ रुपैयाँ, डिजेल र मट्टितेलमा १ रुपैयाँ, आन्तरिक हवाई इन्धनमा ४ रुपैयाँ र अन्तर्राष्ट्रिय हवाई इन्धनमा प्रतिकिलोलिटर २९ डलरले घटाइएको छ ।
एलपी ग्यासमा १५ रुपैयाँ ७० पैसा घटबढ भए पनि उपभोक्ता मूल्य यथावत् राखिएको निगमले जनाएको छ । यसले उपभोक्तालाई केही राहत मिलेको छ ।
