काठमाडौँ । सत्तारुढ दल नेपाल कम्युनिस्ट पार्टी नेकपाको जारी स्थायी कमिटी बैठक अन्योलमा परेको छ । लामो समयदेखि जारी राजनीतिक गतिरोधलाई मूर्त रूप दिन मंगलवार बस्ने भनिएको बैठक अन्योलमा परेको हो ।
यसैबिच प्रधानमन्त्री एबम नेपका अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डबिच बैठक अघि छलफल हुने भएको छ । अध्यक्षद्धय दाहाल ओलीबिच मंगलबार विहना ९ बजे प्रधानमन्त्री निवास बालुवाटार छलफल हुने भएको हो ।
बालुवाटार स्रोतका अनुसार समस्या समाधानका लागि दुई अध्यक्षबिच अहिलेसम्म भएका वार्तामा कुनै सकारात्मक संकेत देखिएको छैन ।
ओलीले दुवै पदबाट राजीनामा दिनु पर्ने प्रचण्ड–नेपाल समूहको माग तथा कुनै पनि पद नछोड्ने ओलीको अडानका कारण अहिलेसम्म सहमतिको सम्भावना देखिएको छैन । तर पार्टीका दोस्रो तहका नेताहरु सहमतिका लागि प्रयासरत रहेको बताउँछन् ।
