काठमाडौंं । विवादमा फसेको नेकपाको केन्द्रीय कमिटीका १५२ जना केन्द्रीय सदस्यले केन्द्रीय कमिटीकाे बैठक माग गरेका छन् । उनीहरुले हस्ताक्षर गरेर केन्द्रीय समितिको बैठक बोलाउन अध्यक्षसमक्ष माग गरेका हुन् । तर पनि अध्यक्षद्वय केपी ओली र पुष्पकमल दाहाल प्रचण्डले सो पत्र भने बुझ्न मानेका छैनन् ।
नेकपाका केन्द्रीय सदस्यहरुले बुधबार पार्टी कार्यालयमा सो पत्र बुझाएका छन् । त्यो पत्र उनीहरुले अध्यक्षद्वयलाई नै बुझाउन खोजेका थिए तर उनीहरुले पत्र बुझ्न आनाकानी गरेपछि महासचिव विष्णु पौडेलसमक्ष प्रस्ताव गरे । तर उनीहरुले सो पत्र पार्टी कार्यालयमा बुझाएका छन् ।
पार्टीको विधानअनुसार एक चौथाइ सदस्यले लिखित माग गरेमा केन्द्रीय समितिको बैठक बोलाउने प्रावधान छ ।
पार्टीको आन्तरिक विवादका कारण पार्टी दुई गुटमा विभाजित भइसकेको छ । पार्टीभित्र एउटा प्रचण्ड–माधव नेपालको गुट छ भने अर्को केपी शर्मा ओलीको गुट रहेको छ । प्रचण्ड–माधव गुटले प्रधानमन्त्री अोलीको राजीनामा माग गरेको छ भने ओली गुट कुनै पनि हालतमा राजीनामा दिने पक्षमा छैन ।
यही विवादका करण एक महिनादेखि स्थायी कमिटीको बैठक प्रभावित भएको छ । दुई अध्यक्षको नै सहमति जुट्न नसकेपछि यस बैठकबाट सहमति निस्किने अवस्था छैन । त्यसैले पार्टीको केन्द्रीय समितिको बैठक बोलाउन माग गरिएको छ ।
