काठमाडौं। दुर्गा प्रसाईँलाई काठमाडौं ल्याउने तयारी भइरहेको छ । केन्द्रीय प्रहरी विशेष ब्युरोबाट खटिएको टोलीले उनलाई झापाको चन्द्रगढी विमानस्थल हुँदै काठमाडौं ल्याउन लागेको हो ।
प्रसाईँलाई आजै ११ः३० बजे बुद्ध एयरको विमानमार्फत काठमाडौं ल्याइँदै छ । विहिबार भारतको आसाम प्रहरीको नियन्त्रणमा रहेका प्रसाईको सचिवालयले भने उनले आत्मसमर्पण गरेको दाबि गरेको थियो । आसाम प्रहरीले सीमा क्षेत्रसम्म प्रसाईंलाई ल्याएर नेपाल प्रहरीलाई हस्तान्तरण गरेको बताइएको छ ।
नेपाल र भारतबीचमा सुपुर्दगी सन्धि नभएकाले एकअर्काको देशमा पक्राउ परेका आरोपितहरुलाई अनौपचारिक रूपमा लेनदेन गर्ने अभ्यास छ । अर्को देशमा पक्राउ परेमा त्यहाँको प्रहरीले सीमाक्षेत्रमा ल्याएर छोड्ने र लगत्तै सम्बन्धित देशको प्रहरीले जिम्मा लिएर गन्तव्यमा पुर्याउने अभ्यास छ । सोहि कारणले नेपाल प्रहरीले विहिबार राती विज्ञप्ति जारी गर्दै प्रसाई पक्राउ नपरेको जानकारी गराएको थियो ।
