काठमाडौंः संस्कृति, पर्यटन तथा नागरिक उड्डयनमन्त्री प्रेम बहादुर आले चढ्नु भएको सवारी साधनलाई धनगढीमा एउटा कारले ठक्कर दिएको छ ।
मन्त्री आलेको निजी सचिवालयका अनुसार भोलि बुधबार महेन्द्रनगर बिमानस्थलको शिलान्यास गर्न धनगढी बिमानस्थलबाट गइरहेको अवस्थामा कैलालीको गेटा बिमानस्थल भित्र छिर्ने चोकमा पुगेका बेला एउटा कारले मन्त्री आले चढेको गाडीमा ठक्कर दिएको थियो ।
पवन कडायत भन्ने चालकले उच्च गतिमा चलाएको बा ४ च १३७७ नम्बरको कारले अनियंत्रित भइ मन्त्री आले चढेको गाडीलाई ठक्कर दिएको प्रहरीले जनाएको छ ।
प्रहरीका अनुसार मन्त्री आले लगायत सबै सुरक्षाकर्मीलाई कुनै चोटपटक नलागेको र उहाँहरुको अवस्था सामान्य रहेको छ ।
अनियन्त्रित भएर कार चलाउने चालक सामान्य घाइते भएको तथा मन्त्रीकै आदेशमा चालकलाई एम्बुलेन्स मार्फत उपचारका लागि अस्पताल पुर्याउन पठाइएको प्रहरीले जनाएको छ । मन्त्री आले सहित सबै जना महेन्द्रनगर पुग्नु भएको बताइएको छ ।
