काठमाडौँ । भोलि साउन २२ गतेदेखि राति ९ बजेदेखि बिहान ५ बजेसम्म हिँडडुलमा रोक लगाइएको छ । कोरोना भाइरसको बढ्दो संक्रमणलाई लक्षित गरेर भोलि बिहीबारदेखि नै लागू हुने गरी यो नियम बनाइएको हो । सो निर्णय गृह मन्त्रालयले गरेको जनाएको छ ।
गृह मन्त्रायलका सह–प्रवक्ता उमाकान्त अधिकारीले काठमाडौं उपत्यकासहित २ सयभन्दा बढी सक्रिय संक्रमित भएका क्षेत्रमा लागू हुने गरी यो निर्णय गरिएको हो । उनले भने, ‘अत्यावश्यक सेवामा भने यो निर्णय लागू हुने छैन ।’
सरकारले बिहीबारबाटै लागू हुने गरी काठमाडौंमा सवारी साधनको सञ्चालनमा जोर बिजोर प्रणाली अपनाएको बताएको छ । साथै उपत्यका सहितका २ सयभन्दा बढी संक्रमित भएका जिल्लामा जोरविजोर प्रणाली लागू गरेसँगै हिँडडूलमा पनि रोक लगाउने यो निर्णय गरिएको छ ।
साथै सरकारले अबदेखि लकडाउन गर्नु परेमा पनि जिल्ला प्रशासनले गर्नसक्ने गरी अधिकार दिएको छ । साथै अन्तर्राष्टिय सीमा नाकाहरुमा पनि आगमन बन्द गर्ने बताइएको छ ।
