काठमाडौँ । प्रधानमन्त्री केपी शर्मा ओलीले मसिना कुराहरुलाई इगोको रुपमा नलिइ संसद सुचारु गर्न प्रतिपक्षीलाई आग्रह गर्नुभएको छ ।
सोमवार राष्ट्रिय सभा बैठकलाई सम्बोधन गर्दै उहाँले यस्तो आग्रह गर्नुभएको हो । उहाँले संसदमा ल्याइएका अध्यादेशहरु संविधान अनुसार नै भएकाले दुवै सदनबाट स्वीकृत भइसकेको बताउनु भयो । उहाँले संविधानलाई समृद्ध बनाउँदै कार्यान्वयनमा लैजान कानून निर्माण आवश्यक भएकाले अध्यादेश ल्याउनुपरेको बताउनु भयो । उहाँले सबै दलको एकताबद्धताले स्थपित भएको लोकतान्त्रिक गणतन्त्रलाई बलियो बनाउनुपर्नेमा जोड दिनुभयो । उहाँले देशमा भइरहेका गणतन्त्र बिरोधी गतिविधि तथा आफ्नो थाइल्याण्ड भ्रमणको विषय रहेकाले सबै दलहरुलाई एकतावद्ध भएर संसद सुचारु गर्न आग्रह गर्नुभयो ।
उहाँले भन्नुभयो, ‘हामी यतिबेला एकजुट भएर जनतालाई जगाएर, व्यवस्था र संविधानको रक्षा गरेर यिनलाई सफल बनाएर अगाडि जानुपर्नेमा हामी ससाना निहुहरुमा अल्झिरहेका छौँ । नअल्झिउँ भन्न चाहन्छु । सदनको अवारेधलाई अन्त्य गरेर एकतावद्ध भएर ल्याएको संघीय लोकतान्त्रिक गणतन्त्रलाई सुदृढ बनाऔँ । हामी आफैँले बनाएको संविधानलाई समृद्ध बनाऔँ । मेरो आग्रह छ । जहाँसम्म कानून निर्माणको प्रश्न छ अध्यादेश ६ वटामध्ये एउटा पेश गरेनौँ । पाँच वटा समयभित्रै पाँचवटा दुवैसदनबाट स्वीकृत भइसक्या छ । अब अध्यादेश भनेको कुरा यो अध्यादेशको संसदमा ११४ को २ ले व्यवस्था गरेको छ त्यसअनुसार नै हुनेछ भन्ने कुरा छर्लङ्गै छ भन्नेकुरा छ । यसकारण म प्रतिपक्षको भावनाको सम्मान गर्दै अहिले परिस्थिति गतिविधि मेरो थाइल्याण्डको भ्रमणदेखि लिएर अहिले हामीहरुबीच चलिरहेको साना मसिना कुरामा इगोको रुपमा लिएर अल्झिएको छौ यसलाई इगोको विषय नबनाऔँ सदन सुचारु गरौँ म आग्रह गर्न चाहन्छु ।’
प्रधानमन्त्री ओलीले नेपाल विद्युत प्राधिकरणका प्रबन्ध निर्देशक कुलमान घिसिङलाई बर्खास्र्तीेबारे अदालतमा विचाराधिन रहेकाले संसदमा छलफल गर्नु उचित नहुने बताउनु भयो । उहाँले लोकसेवाले नियुक्त गरेको बाहेक राजनीतिक नियुक्तहरु सरकार फेरिएपछि स्वतः फेरिने विधिमा जानु व्यस्था मिलाउनु पर्ने बताउनु भयो ।
