काठमाडौं । त्रिभुवन विश्वविद्यालयको उपकुलपति र रजिस्टारको कार्यालयमा नेपाल विद्यार्थी संघका कार्यकर्ताले तोडफोड गरेका छन् । मंगलबार नाराबाजी गर्दै त्रिवी पुगेको नेविसंघ कार्यकर्ताले तोडफोड र ढुंगामुढा गरेका हुन् ।
प्रहरीले तोडफोडमा संलग्न भएको आशंमा नेविसंघका ७ कार्यकर्तालाई पक्राउ गरेको छ । पक्राउ पर्नेमा सम्झना खत्री, सञ्जय चौधरी, हरिप्रसाद जोशी, रामबहादुर थामी, रमेश कुँवर, विष्णु बडैला र मनोज कुँवर पक्राउ परेका छन् ।
महामन्त्री दीपक भट्टराईले उनीहरुलाई झुटा मुद्धा लगाउने तयारी भएको भन्दै तत्काल रिहाइको माग गरेका छन् । 
