काठमाडौं । नेताहरु बीच अन्तरकलह बढ्दै गएपछि बस्न नसकेको नेपाल कम्युनिष्ट पार्टी नेकपा सचिवालय बैठक सोमबार बिहान बस्ने भएको छ ।
पार्टी भित्रको समस्याका पहिचान गरी सुझाब दिन महासचिब बिष्णु पौडेलेको संयोजकत्वमा गठन भएको कार्यदलले काम काम गरिहेको समयमा सचिवालय बैठक बोलाईएको हो ।
सचिवालयले कार्यदललाई बैधानीकता दिनुका साथै अब स्थायी समितिको बैठकलाई कसरी प्रक्रियामा अघि बढाउने भन्ने बारेमा छलफल हुने जनाईएको छ ।
सचिवालयको बैठकमा मन्त्रीमण्डलको पुर्नगठनका साथै केही मुख्यमन्त्रीहरुको हेरफेर लगायतका बिषयमा पनि छलफल हुन सक्ने एक नेताले जानकारी दिए । दुई अध्यक्षको सहमतिमा बनेको कार्यदल प्रति अन्य केही नेताले असन्तुष्टि जनाएपछि त्यसलाई पनि सम्बोधन गर्न सचिवालयको बैठक बस्न लागेको हो ।
