काठमाडौं । नेकपा माओवादी केन्द्रका अध्यक्ष एवम् पूर्वप्रधानमन्त्री पुष्पकमल दाहाल प्रचण्डको तस्वीर जलाएको आरोपमा पक्राउ परेका राप्रपा नेता निराजन बम रिहा भएका छन् ।
आइतबार साँझ मकवानपुर जिल्ला प्रशासन कार्यालयमा राप्रपा र नेकपा माओवादी केन्द्र बिच भएको छलफल पछि बम रिहा भएका हुन् ।
मकवानपुरकी प्रमुख जिल्ला अधिकारी स्किम श्रेष्ठले आज ४ बजे जिल्ला प्रशासन कार्यालय मकवानपुरमा राप्रपा र माओवादी केन्द्र संग छलफल गर्नुभएको थियो ।
बमको रिहाइका लागि राप्रपा मकवानपुरका कार्यबाहक अध्यक्ष सागर थापा र नेकपा माओवादी केन्द्रका मकवानपुर संयोजक भीम पाख्रिन तथा नेता प्रेमबहादुर पुलामीबीच सहमति भएको थियो ।
बमलाई आइतबार बिहान चितवनबाट पक्राउ गरी जिल्ला प्रहरी कार्यालय मकवानपुर लगिएको थियो। बमले हेटौंडाको एक कार्यक्रममा शनिबार प्रचण्डको तस्वीर जलाएका थिए ।
