काठमाडौं । निर्वाचन आयोगले नेकपा एमाले दल दर्ता गर्ने निर्णय गरेको छ। आयोगले नेकपा एमालेलाई उदाउँदो सूर्य चुनाव चिह्न दिएको छ।
झापाकी सन्ध्या तिवारीको अध्यक्षमा दले दर्ताका लागि परेको निवेदनमा आवश्यक जाँबुझ गरेर नेकपा एमालेलाई दर्ता गर्ने निर्णय गरेको आयोगले जनाएको छ ।
दल दर्ताका लागि आबश्यक प्रमाण पुगेपछि आयोगले दल दर्ता गरेको जनाएको छ ।
नेकपा स्थायी समितिको बैठक चलिरहेकै समयमा असार दोस्रो साता एमाले नामको दल दर्ताका लागि निवेदन परेको थियो।
असार १६ गतेको स्थायी समिति बैठकमा नेकपा अध्यक्ष एवं प्रधानमन्त्री केपी शर्मा ओलीको निर्देशनमा एमाले दर्ताका लागि प्रक्रिया अघि बढाइएको भन्दै अर्का अध्यक्ष प्रचण्ड, झलनाथ खनाल, माधव नेपाल, वामदेव गौतम लगायतका नेताहरुले राजीनामा मागेका थिए ।
उता ओलीले पनि गोपाल किरातीले नेकपा माओबादी दल कायम राखेको भन्दै आफू नेकपाको अध्यक्ष भएका कारण अर्को दल दर्ता गर्न आवश्यक नभएको बताउनु भएको थियो ।
