काम गर्दै गर्दा कोरोना संक्रमित भएछु, स्वास्थ्य लाभको कामना गर्नुहुने सबैमा धन्यवाद । म एक नर्स म आफ्नो पेशामा गर्ब गर्छु। मलाइ थाहा छ कि म केवल प्रमाणपत्र का लागि मात्र पढेको होइन जस्तोसुकै अवस्थामा पनि बिरामिको सेवा गर्न सकु र गर्छु भनेर नर्स पेशा अगालेको हु।
आफ्ना ब्यक्तिगत कुराहरुलाइ त्यागेर निरन्तर रुपमा बिरामीको सेवामा लागिरहेको पनि केहि वर्ष भैसकेछ । काम गर्दै गर्दा यो अवस्था आउँछ होला भन्ने सोचेका थिएनौ । तर एक्कासि सन्सारलाइ नै तर्साउने गरि कोरोना भाइरस फैलियो। कयौ देशहरुमा हजारौ नागरिकको ज्यान गयो।
बिस्तारै अवस्था जटिल बन्दै गयो। बिस्तारै संक्रमितहरु नेपालमा पनि देखिन थाल्यो। तर कहिल्यै हतोत्साहित नभै निरन्तर आफ्नो कर्ममा लागिरहे मैले सोचेकि म एकजना नर्सले गार्हो हुने भयो म संक्रमित हुन्छु कि भनेर आफ्नो काम छोड्ने हो भने हालत के होला। भन्ने सोचेर अग्रजहरुको सल्लाह सुझाबलाइ ग्रहण गर्दै काममा लागिरहे !
घरमा बुवा आमा भाइ बहिनीलाई आफैले सम्झाए, म मा मात्र सिमित छैन बाबा ममि मैले समाजका लागि काम गर्नु पर्छ, म यतिखेर घरमा काम नगरि बस्ने हो भने मैले नर्स पेसा अगालेको अर्थ हुदैन, न आतिनु म सुरक्षित भएर बिरामिको सेवा गर्नेछु भनेर घर परिवारलाइ सम्झाउदै आफ्नो कर्ममा लागिरहे ।
कयौ रात बाबा ममी निदाउनुभएको छैन कतै छोरी संक्रमित त हुने होइन भनेर भोलि समाजले के भन्ला, छि छि र दुर गर्ला भन्ने चिन्तामा परिवार हुनु हुन्थ्यो । केहि दिन अगाडी अस्पतालमा उपचार गरिरहनुभएका बिरामिमा कोरोना पोजेटिभ भयो रे भन्ने सुने उहाँहरुलाई सधै हामीले रेखदेख गरिरहेका हुन्थ्यौं ।
एक्कासि त्यस्तो सुनेपछि एकछिन त अनेक कुरा सोच्न पुगेछु ।पछि आफुलाइ समाले त्यसपछि हामिलाइ छुटै ठाउँमा राखियो ।त्यसको पर्सि पल्ट म लगायत हामी साथीहरूको कोरोना परिक्षणका लागि स्वाब लगियो । नभन्दै हाम्रो रिपोर्ट पनि पोजेटिभ आयो। एकछिन तनाबमा रहें, कसरी घरमा भन्ने होला, अब के हुने हो भन्ने भयो। म आफूलाई समाजले म आज कमजोर महसुस गरे पनि मेरो परिवारलाई चिन्ता हुन्छ । समाजलाई चिन्ता पर्छ मैले मनोबल धरो बनाउनुपर्छ भन्ने सोचेर अहिले आफ्नो मनोबल उचो बनाएर मैले यो रोगलाई परास्त गर्छु भन्ने आत्म बिश्वास लिएको छु फेरि परास्त गर्छु पनि।
आज मलाइ गर्ब छ, म आत्तिएकी छैन । बिरामीको सेवा गर्दा म कर्म पुरा गर्दा म संक्रमित भएकी हुँ । हामी संक्रमितलाई समाजले हेर्ने नजर राम्रो बनोस्। हामीले रोग रहरले सारेका हैनौ। आफ्नो जिम्मेवारि पुरा गर्दा हो। पहिला नै हामी डराएर बिरामीको सेवा नगरेको भए बिरामीको अवस्था के हुन्थ्यो । सबैको सोच सकारात्मक बनोस्। संक्रमित नर्स डाक्टर सुरक्षाकर्मी लगायत आम नागरिकलाइ शिघ्र स्वास्थ्य लाभको कामना गर्दछु। हाम्रो स्वास्थ्य लाभको कामना गर्नुहुने हाम्रो केयर गर्नुहुने अस्पताल प्रशासन, डाक्टर, नर्स, परिवार, साथी भाइ, आफन्तजन, समाजका सबै नागरिकहरु प्रति अस्पतालको बेडबाट धन्यवाद ब्यक्त गर्दछु। सन्चो भएसि उहि मनोबलका साथ हजारौ बिरामीको सेवा गर्नेछु। मलाइ नर्स हुनुमा गर्ब छु।
बाबा मामु न आत्तिनु हजुरको छोरी झन मनोबल धरो बनाएर रोगलाइ परास्त गरेर कर्ममा फर्किन्छे।
म हारेको छैन झन म मा मनोबल धरो भएको छ ।
