काठमाडौँ । इंग्लिस प्रिमियर लिग फुटबलमा शीर्षस्थानको लिभरपुललले पुनरागमन जित निकालेको छ ।
गएराति भएको खेलमा लिभरपुलले साउथह्याम्प्टनलाई ३–१ गोलले हराएको हो । घरेलु मैदान एनफिल्डमा लिभरपुल पहिलो हाफमा ०–१ गोलले पछि परेको थियो । पहिलो हाफको इन्जुरी समयमा साउथह्याम्प्टनले विल स्मालवोनको गोलबाट अग्रता लिएको थियो ।
तर, दोस्रो हाफमा लिभपुल खेलमा फर्कियो । ५१ औं मिनेटमा डार्विन नुनेजले गोल गर्दै लिभरपुललाई १–१ को बराबरीमा ल्याए ।
यस्तै, ५१ औं र ८८ औं मिनेटमा मोहम्मद सलाहले गोल गर्दै लिभरपुललाई जित दिलाए । सलाहले दुबै गोल पेनाल्टीमा गरेका हुन् ।
लिभरपुलको २९ खेलबाट ७० अंक छ । दोस्रो स्थानको आर्सनलको २७ खेलबाट ५४ अंक छ । पराजित साउथह्याम्प्टन ९ अंकसहित पुछारमा छ ।
यस्तै, गएराति नै भएको अर्को खेलमा एस्टन भिल्लाले ब्रेन्टफोर्डलाई उसकै घरेलु मैदानमा १–० गोलले हरायो ।
भिल्लाको जितमा एकमात्र निर्णायक गोल ओली वाट्कीन्सले गरे । उनले खेलको ४९ औं मिनेटमा गोल गरेका हुन् ।
जितसँगै भिल्ला २९ खेलबाट ४५ अंकका साथ तालिकाको सातौं स्थानमा छ । ब्रेन्टफोर्ड ३८ अंकका साथ १२ औं स्थानमा छ ।
