काठमाडौं। चर्चित गायक सुशान्त केसीले शनिबार भक्तपुरको सल्लाघारीमा हुने कन्सर्टकोमा काठमाडौँ महानगरका मेयर बालेन शाहलाई उपस्थित हुन निम्तो दिएका छन् ।
गायक सुशान्त केसीले बालेनसँगको भेटबारे सामाजिक संजालबाट जानकारी दिएका छन् । उनी लेख्छन्, ‘मेयर बालेन शाहसँग राम्रो कुराकानी । र्यापदेखि जिम्मेवारीसम्म । वास्तवमै लिजेन्ड । काठमाडौं कसरी अझ जीवन्त र सुन्दर शहरमा विकसित हुँदैछ भनेर प्रशंसा गर्न पाउँदा सम्मानित महसुस भयो । आशा छ त्यहाँ भेट्नेछु ।’ बालेनलाई निम्तो दिएको र उनी कन्सर्टमा सहभागि हुने आशा आफूले राखेको सुशान्तले जनाएका छन् ।
यो प्रतीक्षित कन्सर्टको लागि सुशान्त यतिबेला तयारीमा जुटेका छन् । १५ हजारभन्दा धेरै दर्शक सहभागि हुने बताइएको यो कन्सर्टमा अन्य चर्चित व्यक्तिहरूलाई पनि उपस्थित गराउने कसरत केसीले गरिरहेका छन् । पछिल्लोपटक फिल्म ‘लाज शरणम्’को शीर्षगीत पनि गाएका थिए ।
