काठमाडौ । कोरोना सक्रमण कारण चैत्रदेखि ठप्प गरेको आर्थिक क्षेत्रलाई कसरी चलायमान गराउन सकिन्छ भन्ने बारेमा प्रधानमन्त्री केपी शर्मा ओलीले निजी क्षेत्रमा प्रतिनिधि मुलक संस्थाका प्रतिनिधिहरु संग छलफल गर्नुभएको छ ।
आईतबार साँझ बालुवाटारमा भएको छलफलमा नेपाल उद्योग बाणिज्य महासंघ, नेपाल उद्योग परिसंघ र नेपाल चेम्बर अफ कमर्सका प्रतिनिधिहरु सहभागी रहनु भएको थियो । छलफलमा व्यवसायीहरुले अर्थतन्त्र निकै खराब अवस्थामा पुगेको भन्दै निजी क्षेत्रलाई सम्बोधन हुने कार्यक्रम ल्याउन प्रधानमन्त्रीको ध्यानाकर्षण गराएका थिए ।
साना लगानीमा संचालन भएका व्यवसायीको मर्कादेखि बैक तथा वित्तीय संस्था बाट प्रबाह भएको कर्जा र ब्याजको समयसीमाका बारेमा व्यवसायीले प्रधानमन्त्रीको ध्यानाकर्षण गराएका थिए । व्यवसायीका गुनासा सुनेपछि प्रधानमन्त्री ओलीले सरकार निजी क्षेत्रको साथमा रहेको स्पष्ट पार्दै स्वास्थ्यमा मापदण्डहरु पुरा गर्दे क्रमशः व्यवसायहरु संचालन गर्ने वातावरण मिलाउने तर्फ काम गर्न आग्रह गर्नुभयो ।
उहाले आर्थिक क्षेत्र को जगेर्ना संगै स्वास्थ्यमा पनि ध्यान दिनु पर्ने भन्दै निजी क्षेत्रलाई परिस्थितीको मुल्याङ्कन गर्न पनि सुझाब दिनुभयो ।आफु यी बिषयमा गम्भिर रहेको भन्दै प्रधानमन्त्री ओलीले यस विषयमा निजी क्षेत्रसंग निरन्तर सम्वाद र सम्पर्कमा रहने पनि बताउनु भयो । उद्योगमन्त्री लेखराज भट्टको सहजीकरणमा भएको छलफलमा पूर्व अर्थमन्त्री डा. युवराज खतिवडाले पनि व्यवसायीहरुका माग र गुनासा बारे सरकारका तर्फ बाट धारणा राख्नु भएको थियो ।
छलफलमा नेपाल उद्योल बाणिज्य महासंघका तर्फबाट अध्यक्ष भवानी राणा, बरिष्ठ उपाध्यक्ष शेखर गोल्छा तथा उपाध्यक्ष चन्द्र प्रसाद ढकाल सहभागी हुनु भएको थियो । यसै गरी नेपाल उद्योग परिसंघ बाट शतिस मोर , विष्णु अग्रवाल र हरिभक्त शर्मा तथा नेपाल चेम्बर अफ कमर्स बाट राजेशकाजी श्रेष्ठ, राजेन्द्र मल्ल र दिपक मलहाेत्रा सहभागी हुनु भएको थियो ।
