काठमाडौं । नेपाल बार एसोसिएसनको नयाँ नेतृत्व चयन गर्न आगामी चैत २३ गते चुनाव हुने भएको छ । बारले केन्द्रीय निर्वाचन समिति गठन गरेको छ ।
वरिष्ठ अधिवक्ता रामकृष्ण निरालाको संयोजकत्वमा निर्वाचन समिति गठन गरिएको हो । निर्वाचन समितिका नेपाल बार एसोसिएसनका पूर्वअध्यक्ष वरिष्ठ अधिवक्ता चण्डेश्वर श्रेष्ठ, चेतनाथ धमला, चन्द्रबहादुर शाही र सेमन्त निरौला सदस्य रहेका छन् ।
बारको नयाँ केन्द्रीय कार्यसमिति चयनका लागि २०८१ चैत २३ गते शनिवारका लागि निर्वाचनको मिति तय गरिएको छ ।
